Маңғыстау облысының Табиғи ресурстар және табиғат пайдалануды реттеу басқармасының тапсырысы бойынша конкурс (өтінімдерді қабылдау аяқталды) – НАО "Центр поддержки гражданских инициатив"

«АЗАМАТТЫҚ БАСТАМАЛАРДЫ ҚОЛДАУ ОРТАЛЫҒЫ» КЕАҚ «МАҢҒЫСТАУ ОБЛЫСЫНЫҢ ТАБИҒИ РЕСУРСТАР ЖӘНЕ ТАБИҒАТ ПАЙДАЛАНУДЫ РЕТТЕУ БАСҚАРМАСЫ» ММ ТАПСЫРЫСЫ БОЙЫНША ҮКІМЕТТІК ЕМЕС ҰЙЫМДАРҒА АРНАЛҒАН МЕМЛЕКЕТТІК ГРАНТТАРДЫ БЕРУГЕ КОНКУРС ЖАРИЯЛАЙДЫ

Үкіметтік емес ұйымдарды гранттық қаржыландыру саласындағы Оператор

«Азаматтық бастамаларды қолдау орталығы» коммерциялық емес акционерлік қоғамы (бұдан әрі – Оператор) – Қазақстан Республикасы Үкіметінің 2015 жылғы 31 желтоқсандағы №1192 қаулысына сәйкес үкіметтік емес ұйымдарды гранттық қаржыландыру саласындағы оператор болып табылады.

Конкурс туралы

Оператор «Маңғыстау облысының табиғи ресурстар және табиғат пайдалануды реттеу басқармасы» ММ тапсырысы бойынша үкіметтік емес ұйымдарға (бұдан әрі – ҮЕҰ) 2024 жылға арналған мемлекеттік гранттар беруге Конкурс жариялайды.

Конкурс «Қазақстан Республикасындағы мемлекеттік әлеуметтік тапсырыс, стратегиялық әріптестікті іске асыруға арналған мемлекеттік тапсырыс, үкіметтік емес ұйымдарға арналған гранттар және сыйлықақылар туралы» Қазақстан Республикасының 2005 жылғы 12 сәуірдегі №36 Заңына (бұдан әрі – Заң), Қазақстан Республикасы Ақпарат және қоғамдық даму министрінің 2022 жылғы 26 қыркүйектегі №406 бұйрығымен бекітілген Мемлекеттік гранттарды қалыптастыру, беру, мониторингтеу және олардың тиімділігін бағалау қағидаларына (бұдан әрі – Қағидалар) (сілтеме: adilet.zan.kz/kaz/docs/V2200029848) сәйкес азаматтық бастамаларды қолдау, азаматтық қоғам институттарының әлеуетін әлеуметтік саланы дамытудың өзекті мәселелерін шешуге тарту мақсатында өткізіледі.

2024 жылға мемлекеттік гранттар беруге арналған Конкурс мынадай басым бағыттар бойынша жарияланады:

№	Заңның 5-бабының 1-тармағына сәйкес мемлекеттік грант саласы	Мемлекеттік гранттың басым бағыты	Мәселенің қысқаша сипаттамасы	Қаржыландыру көлемі	Грант түрі	Нысаналы индикатор
1	Қоршаған ортаны қорғау	Экологиялық білім мен мәдениетті қалыптастыру	Маңғыстау облысы тұрғындарының экологиялық мәдениеті мен білімін қалыптастыру аймақтың экологиялық ахуалын жақсартуға тікелей әсер етеді. Қазіргі таңда өңір тұрғындарының табиғатқа жауапкершілікпен қарауын қалыптастыру, қоршаған ортаны қорғау және өңірдің орнықты дамуы саласындағы халықтың белсенділігін арттыру жоғары маңызға ие. Сондай-ақ өңірдегі экология саласындағы сарапшылар мен волонтерлердің белсенділігін ескере отырып, аймақта жалпы халықтық экологиялық ағартушылық жұмыстарды кешенді ұйымдастыру, жастар мен жасөспірімдердің экологиялық бастамаларына қолдау көрсету, қоғамның барлық тобының экологиялық сауаттылығын арттыру, масс-медиа арқылы экологиялық мәселелерді өзектендіру қажеттілігі бар.	10 000 000	Қысқа мерзімді1 грант	Нысаналы индикаторлар: Маңғыстау облысында экобелсенділікті арттыру мақсатында тікелей кемінде 3000 адамды және жанама 10 000 адамды қамту арқылы халық арасында экологиялық мәдениетті қалыптастыру Күтілетін нәтижелер: 1) Маңғыстау облысының барлық жоғары, жалпы және арнаулы орта білім беру ұйымдарының (193 мектеп пен 26 колледж, 1 университет) оқушыларын қамтитын кемінде 3 экологиялық іс-шара, 1 байқау ұйымдастыру; 2) Аймақтағы өндірістік және мемлекеттік мекемелердің кемінде 300 қызметкерінің қатысуымен экологиялық кемінде 3 іс-шара ұйымдастыру; 3) Маңғыстау облысындағы кемінде 35 экобелсендіден тұратын топты қалыптастыру және оларды ынталандыруға бағытталған кемінде 5 аталым (мысалы, үздік экоқұрылысшы, үздік экожанашыр және т.б.) бойынша 1 облыстық байқау ұйымдастыру; 4) Аймақтағы кемінде 10 БАҚ өкілі мен инфлюенсерлерінің қатысуымен кемінде 3 аталым бойынша экологиялық материалдар байқауын ұйымдастыру; 5) Азаматтардың экологиялық мәдениетін қалыптастыруға бағытталған кемінде 2 тақырыптағы видеоролик (қазақ және орыс тілінде – жалпы саны 4 видео) дайындау және тарату; 6) Аймақтағы кемінде 70 экобелсенді мен кемінде 1 республикалық сарапшының қатысуымен жаздық экологиялық іс-шара ұйымдастыру.
2	Қоршаған ортаны қорғау	Маңғыстау өңірінде кездесетін жануар мен өсімдік түрлерін насихаттау	Маңғыстау өңірі өзіндік табиғи ландшафтымен ерекшеленетін облыстардың бірі. Сүтқоректілердің, бауырмен жорғалаушылардың, құстардың сирек кездесетін түрлері және өсімдіктің аридті түрлері, эндемиктер тек қана Маңғыстау өңірінде мекен етеді. Қазіргі таңда өңірде кездесетін жануарлар мен өсімдіктер дүниесін және өсімін қорғау, молайту, оларға табиғи жағдай жасау шараларын қабылдау негізгі міндеттердің бірі болып табылады. Аймақ тұрғындары мен қонақтарына аймақтың жануарлар мен өсімдіктер әлемін насихаттау – елімізде сирек кездесетін жануарлардың өмір сүру ареалын қалыптасқан қалпында ұстау, табиғи топтастығын бұзбай сақтау, санын көбейтуге өз септігін тигізеді. Сонымен қатар, қоғамның барлық топтарын жануарлар мен өсімдіктер және олардың дүниесін қорғауға жұмылдыру, балалар мен жасөспірімдерді жануарларға жанашырлық танытуын түсіндіру жұмысынды кешенді әрі жүйелі ұйымдастыру қажет.	10 000 000	Қысқа мерзімді1 грант	Нысаналы индикаторлар: Аймақтағы жануарлар және өсімдік әлемін насихаттауға кемінде тікелей 300 адамды және жанама 3000 адамды тарту Күтілетін нәтижелер: 1) Маңғыстау облысында ғана кездесетін жануарлар мен өсімдіктер дүниесі туралы қазақ және орыс тіліндегі кемінде 20 дана жинақ әзірлеу және тарату; 2) Облыс тұрғындары көп шоғырланған жерлерде кемінде 250 адамның қатысуымен жоба тақырыбы бойынша 5 фотокөрме ұйымдастыру; 3) Кемінде 2 республикалық сарапшыны тарта отырып өңірде кемінде 50 адамның қатысуымен аймаққа тән жануарлар мен өсімдіктер дүниесін қорғау туралы өңіраралық ғылыми конференция ұйымдастыру; 4) Маңғыстау облысының барлық жоғары, жалпы және арнаулы орта білім беру ұйымдарының (193 мектеп пен 26 колледж, 1 университет) оқушыларын және студенттерін қамти отырып, жануарлар мен өсімдіктер дүниесін қорғау жөнінде кемінде 3 іс-шара, 1 байқау ұйымдастыру арқылы жас белсенділерді сыйақымен марапаттау; 5) Жануарлар және өсімдіктер дүниесін қорғау және насихаттауға бағытталған кемінде 2 видеоролик (қазақ және орыс тілінде) дайындау және тарату.
3	Қоршаған ортаны қорғау	Тұрмыстық қатты қалдықтарды қайта өңдеу және су ресурстарын ұтымды пайдалану	Маңғыстау облысындағы басты экологиялық проблемалардың бірі — қатты тұрмыстық қалдықтармен жұмыс және суды тиімді пайдалану мәселелері. Қалдықтардың басым бөлігі алдын ала сұрыпталмай, санитарлық стандарттар талаптарына сай емес, заңсыз қоқыс алаңдарына шығарылады. Ал ауызсуды коммуналдық – тұрмыстық қажеттілігі үшін пайдаланылуы, облыс тұрғындарына тұщы судың жетіспеуіне әкелуі мүмкін. Қазіргі таңда тұрмыстық қатты қалдықтарды қайта өңдеу, кәдеге жарату және суды тиімді пайдалануды насихаттау, аталған бағыттағы бастамаларды ынталандыру өзектілігі күн өткен сайын артып келеді. Бұл бағыттағы жұмыс ұйымдастыруға қоғамның барлық топтары мен салаларын жұмылдырып, экологиялық тәрбие беру бағытындағы кешенді ағартушылық жұмысты ұйымдастыру қажет. Өңірдегі тұрмыстық қатты қалдықтарды жинау, сұрыптау және қайта өңдеумен айналысатын кәсіпорындардың қызметін және тұрмыста, шаруашылықта суды тиімді пайдалануды насихаттау маңыздылығы артып келеді. Аталған жұмысты ұғынықты әрі ықшам ақпарат күйінде беруді ұйымдастыру қажет.	10 000 000	Қысқа мерзімді1 грант	Нысаналы индикаторлар: Тұрмыстық қатты қалдықтарды қайта өңдеу және су ресурстарын ұтымды пайдалану бойынша ағартушылық жұмысқа кемінде 1000 адамды тарту Күтілетін нәтижелер: 1) Маңғыстау облысының барлық жоғары, жалпы және арнаулы орта білім беру ұйымдарының (193 мектеп пен 26 колледж, 1 университет) оқушыларын және студенттерін қамтитын тұрмыстық қатты қалдықтарды қайта өңдеу және су ресурстарын ұтымды пайдалану бойынша кемінде 5 экологиялық іс-шара, 2 байқау ұйымдастыру; 2) Аймақтағы кемінде 10 БАҚ өкілдері мен инфлюенсерлерге арналған қатты тұрмыстық қалдықтарды сұрыптау, өңдеу мен қайта пайдалану және су ресурстарын ұтымды пайдалану жөнінде материалдар байқауын ұйымдастыру арқылы ақпараттық жұмысты жүйелендіру; 3) Қатты тұрмыстық қалдықтарды сұрыптау, өңдеу мен қайта пайдалану және су ресурстарын ұтымды пайдалану бойынша кемінде 10 жеке азамат пен кәсіпкердің бастамасын ілгерілету және ынталандыру іс-шарасын ұйымдастыру; 4) Маңғыстау облысының барлық жоғары, жалпы және арнаулы орта білім беру ұйымдарының (193 мектеп пен 26 колледж, 1 университет) оқушыларын қамтитын кемінде 2 қатты тұрмыстық қалдықтарды сұрыптау және өңдеу объектілерімен таныстыру шараларын ұйымдастыру; 5) Қатты тұрмыстық қалдықтарды сұрыптау мен өңдеуге және су ресурстарын ұтымды пайдалану бағытталған кемінде 2 видеоролик (қазақ және орыс тілінде) дайындау және тарату
			Барлығы	30 000 000

Қандай үкіметтік емес ұйымдар конкурсқа қатыса алмайды

Төмендегідей нысанда құрылған коммерциялық емес ұйымдар конкурсқа қатыса алмайды:

1) саяси партиялар;

2) кәсіптік одақтар;

3) діни бірлестіктер;

4) дербес білім беру ұйымдары;

5) дербес кластерлік қорлар;

6) нотариаттық палаталар;

7) адвокаттар алқасы;

8) адвокаттық кеңселер;

9) Заң консультанттарының республикалық алқасы;

10) Қазақстан Республикасының Ұлттық кәсіпкерлер палатасы;

11) Қазақстан Республикасының сот сарапшылары палатасы;

12) Жеке сот орындаушыларының республикалық палатасы;

13) Қазақстанның Төрелік палатасы;

14) кәсіби аудиторлық ұйымдар;

15) аудиторлық қызмет жөніндегі кәсіби кеңес;

16) көппәтерлі тұрғын үйлердің мүлкі меншік иелерінің бірлестіктері.

Қағидалардың 39–тармағына сәйкес Оператор келесі жағдайларда конкурсқа қатысудан бас тартады және өтініш берушіге тиісті хабарлама жібереді:

1) өтінім Қағидалардың талаптарына сәйкес келмесе;

2) өтінім мемлекеттік гранттардың басым бағыттарының бекітілген тізбесіне сәйкес келмесе;

3) өтініш берушінің жарғылық мақсаты гранттардың басым бағытына сәйкес келмесе;

4) Заңның 6-1-бабының 4-тармағына сәйкес Үкіметтік емес ұйымдардың дерекқорында (сілтеме: infonpo.gov.kz) өтініш беруші туралы мәліметтер болмаса;

5) егер өтініш беруші тарату процесінде болса;

6) егер өтініш беруші банкрот деп танылса;

7) егер өтініш берушінің атқарушылық іс жүргізу бойынша берешегі болса;

8) егер өтініш беруші мемлекеттік сатып алуға жосықсыз қатысушылардың тізілімінде тұрса;

9) егер өтініш берушінің мүлкіне тыйым салынса;

10) егер өтініш берушінің экономикалық қызметі тоқтатыла тұрса;

11) егер өтініш берушінің басшылары, құрылтайшылары мемлекеттік органның және (немесе) оператордың уәкілетті адамдарының жұбайы (зайыбы), жақын туыстары, жекжаттары болып табылса;

12) егер өтініш берушілердің басшылары, құрылтайшылары террористік қызметке қатысы бар адамдардың тізіміне, сондай-ақ жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілсе.

Гранттардың басым бағыты бойынша Конкурс мынадай негіздердің бірі бойынша өтпеді деп танылады:

1) конкурсқа қатысуға ұсынылған өтінімдер болмағанда;

2) конкурсқа қатысуға өтінімдердің бірде-біреуі жіберілмегенде;

3) конкурс қорытындысы бойынша жеңімпаздар болмағанда.

Өтінімдерді қабылдаудың аяқталу күні мен уақыты

Өтінімдер Операторға мынадай мерзімдерде енгізіледі:

ҚЫСҚА МЕРЗІМДІ ГРАНТТАР БОЙЫНША 15 (ОН БЕС) ЖҰМЫС КҮНІ ІШІНДЕ 2024 ЖЫЛҒЫ «26» АҚПАН МЕН «18» НАУРЫЗ АРАЛЫҒЫНДА АСТАНА ҚАЛАСЫНЫҢ УАҚЫТЫ БОЙЫНША САҒАТ 18:30-ҒА ДЕЙІН;

КӨРСЕТІЛГЕН МЕРЗІМДЕРДЕН КЕШІКТІРІЛІП, ОНЫҢ ІШІНДЕ ПОШТА БАЙЛАНЫСЫ АРҚЫЛЫ ЖӘНЕ/НЕМЕСЕ ҚОЛМА-ҚОЛ ЖӘНЕ/НЕМЕСЕ ЭЛЕКТРОНДЫҚ ПОШТА АРҚЫЛЫ ЕНГІЗІЛГЕН ӨТІНІМДЕР ҚАРАЛМАЙДЫ.

Өтінімдер жіберілетін пошталық және электрондық мекенжайлар

Конкурсқа қатысу үшін өтінім беруші өтінімді мынадай тәсілдердің бірімен енгізеді:

Өтінімдер беру тәсіліне байланысты пошта байланысы арқылы немесе қолма-қол немесе веб-портал арқылы қағаз немесе электрондық тасымалдағышта беріледі:

1) қағаз нұсқада өтінімдер мемлекеттік гранттың таңдалған басым бағыты, өтініш берушінің атауы мен байланыстары көрсетіле отырып, пошта байланысы арқылы немесе қолма-қол мына мекенжай бойынша қабылданады: Астана қаласы, Қабанбай батыр даңғылы, 11/5 ғимарат, 5 қабат, 504/1 кабинет, пошта индексі 010000.

Өтінімдерге қол қойылуы, тігілуі, нөмірленуі, өтініш беруші басшысының не сенім білдірілген адамның мөрімен және қолымен бекітілуі тиіс (уәкілетті тұлғаның сенімхаты қоса беріледі).

Өтініш берушінің атынан сенімхат оның басшысының немесе оған құрылтай құжаттарымен уәкілеттік берілген өзге тұлғаның қолы қойылып беріледі және егер осы тұлғаның Қазақстан Республикасының заңнамасына сәйкес мөрі болуға тиіс болса, өтініш берушінің мөрімен бекітіледі.

Оператордың өтінімдерді қағаз нұсқада қабылдау уақыты: дүйсенбі мен жұма аралығында Астана қаласының уақыты бойынша сағат 9.00 мен 18.30-ға дейін (түскі үзіліс сағат 13.00-ден 14.30-ға дейін).

2) мемлекеттік гранттың таңдалған басым бағытын, өтініш берушінің атауын және байланыстарын көрсете отырып, мұрағатталған бірыңғай WinRAR, WinZip файлында PDF және MS Word форматында электрондық тасымалдағышта upr.rp-mangystau@cisc.kz электрондық поштасына өтінімді міндетті түрде қайталай отырып, пошта байланысы арқылы немесе қолма-қол мына мекенжай бойынша қабылданады: Астана қаласы, Қабанбай батыр даңғылы, 11/5 ғимарат, 5 қабат, 504/1 кабинет, пошта индексі 010000.

Өтінімдерге қол қойылуы, нөмірленуі, өтініш беруші басшысының не сенім білдірілген тұлғаның мөрімен және қолымен бекітілуі тиіс (уәкілетті тұлғаның сенімхаты қоса беріледі).

Оператордың өтінімдерді электрондық тасымалдағышта қабылдау уақыты: дүйсенбі мен жұма аралығында Астана қаласының уақыты бойынша сағат 9.00 мен 18.30-ға дейін (түскі үзіліс сағат 13.00-ден 14.30-ға дейін).

3) Мемлекеттік гранттың таңдалған басым бағыты, өтініш берушінің атауы мен байланыстары көрсетіле отырып, электрондық форматта upr.rp-mangystau@cisc.kz электрондық поштасына мұрағатталған WinRAR, WinZip файлында PDF және MS Word форматында жіберіледі.

Оператордың өтінімдерді қабылдау уақыты өтінімдерді қабылдау күндері тәулік бойы және өтінімдерді қабылдаудың соңғы күні сағат 18.30-ға дейін.

Конкурсқа қатысу үшін қажетті құжаттардың тізбесі:

1) Қағидалардың №7 қосымшасына сәйкес үкіметтік емес ұйымдар үшін қысқа мерзімді гранттар беру конкурсына қатысуға өтінім (сілтеме: adilet.zan.kz/kaz/docs/V2200029848);

2) құрылтай құжаттарының көшірмелері (барлық өзгерістері мен толықтырулары қоса берілген жарғы, құрылтай шарты (бар болса), өтініш берушінің уәкілетті органының бірінші басшыны тағайындау туралы шешімі және өтініш берушінің басшысының жеке басын куәландыратын құжаты).

3) өтінімнің «Әлеуметтік жобаның серіктестері» (серіктестердің хаттары), «Іске асырылған негізгі жобалар мен бағдарламалар» (көрсетілген қызметтер актілерінің және шот-фактуралардың электрондық көшірмелері. Әлеуметтік жобалар шетелдік көздер есебінен іске асырылған жағдайда және гранттар Оператор арқылы іске асырылған жағдайда – әлеуметтік жобаның іске асырылуын растайтын шарттардың және өзге де құжаттардың көшірмелері) жолдары толтырылған жағдайда.

Қосымша ақпарат және консультация алу

Конкурстық іріктеу үдерісімен және сараптамалық комиссия қызметімен Қазақстан Республикасы Ақпарат және қоғамдық даму министрінің 2022 жылғы 26 қыркүйектегі № 406 бұйрығымен бекітілген Мемлекеттік гранттарды қалыптастыру, беру, мониторингтеу және олардың тиімділігін бағалау қағидаларында толығырақ танысуға болады.

Оператордың қызметкерлері өтінімдерді қабылдау барысындағы кез-келген уақытта консультация бере алады. Қосымша ақпарат пен түсініктеме алу үшін Операторға келесі телефондар арқылы хабарласуға болады:

1) өтінім беру мәселелері бойынша келесі телефон арқылы: +7 (7172) 79 08 72, 79 04 31;

2) «Әлеуметтік жобаның мақсаты», «Әлеуметтік жобаның міндеттері», «Әлеуметтік жобаның сипаттамасы: іске асыру тетіктері (әдістері)», «Жоба туралы презентация (сілтеме)», «Әлеуметтік жобаны іске асыру аумағы», «Әлеуметтік жобаны іске асырудың басталу күні», «Әлеуметтік жобаны іске асырудың аяқталу күні», «Әлеуметтік жобаның нысаналы топтары», «Нысаналы индикаторларды орындауға бағытталған әлеуметтік жобаның нәтижелері», «Әлеуметтік жобаның әріптестері», «Әлеуметтік жобаны ақпараттық сүйемелдеу қалай ұйымдастырылады», «Күнтізбелік жоспар» бөлімдерінің өтінімін толтыру мәселелері бойынша келесі телефондар арқылы: +7 (7172) 79 08 04, 79 08 03, 79 04 30;

3) «Әлеуметтік жобаның шығындар сметасы» бөлімдерінің өтінімін толтыру мәселелері бойынша келесі телефондар арқылы: +7 (7172) 79 08 28;

4) upr.rp-mangystau@cisc.kz электрондық поштасы арқылы.

ҮЕҰ-ға арналған мемлекеттік гранттардың басым бағыттарының бекітілген тізбесі

Конкурс «Маңғыстау облысының табиғи ресурстар және табиғат пайдалануды реттеу басқармасы» ММ басқарма басшысының «Үкіметтік емес ұйымдарға арналған 2024 жылға мемлекеттік гранттардың басым бағыттарының тізбесін бекіту туралы» 2024 жылғы «22» ақпандағы № 14-Б бұйрығы шеңберінде өтеді.

Үкіметтік емес ұйымдар үшін 2024 жылға арналған мемлекеттік гранттардың басым бағыттарының тізбесі Қазақстан Республикасының мемлекеттік саясатының басымдықтары, Қазақстан Республикасының стратегиялық және бағдарламалық құжаттары, Қазақстан Республикасы Президентінің жолдаулары, сондай-ақ мемлекеттік органдар мен үкіметтік емес ұйымдардың ұсыныстары негізінде қалыптастырылады. Бұйрықтың және оған қосымшаның көшірмесі «Маңғыстау облысының табиғи ресурстар және табиғат пайдалануды реттеу басқармасы» ММ ресми сайтында орналастырылған: https://www.gov.kz/memleket/entities/mangystau-eco/documents/details/613105?lang=kk