Жарияланған күні: 13.12.2021
Қазақстанда шалғайдағы және ауылды елдімекендердегі мектептерде 30 шағын грантты жүзеге асыру жобасы аяқталды. 3 қараша мен 10 желтоқсан аралығында еліміздің он облысында жалпы құны 30 миллион теңге болатын 30 жоба жүзеге асырылды. Оның ішінде: жылыжай салу, спорт залын жабдықтау, материалдық-техникалық базаны, кітапхана қорын жаңарту, кабинеттерді көгалдандыру және тағы басқа жобалар бар.
Мұғалімдер өз мектептерінің қажеттілігін негізге алды. Мысалы Алматы облысы Өтеген батыр ауылында мектептердің бірінде кітапхана қорын жаңарту жобасы жүзеге асырылды: құны 1 миллион теңгеге көркем әдебиеттер мен энциклопедиялар, жалпы 400-ге жуық қазақ және орыс тілдеріндегі кітаптар сатып алынды.
Алматы облысындағы Сырттанов ауылындағы тағы бір мектепте математика пәнінің мұғалімі оқушылардың сабақтан тыс жұмысын ұйымдастыруға арналған жылыжайды оқшаулау жобасы бойынша өтініш берген.
Қарағанды облысының Красная Нива ауылында спорт залын толық жабдықтау жобасы финалға шықты: мектеп оқушылары үшін турниктер мен брусялар, үстел теннисіне арналған үстелдері мен футбол торлары, кимоно, күрес манекендері және тағы басқа қажеттіліктер сатып алынды.
Сондай-ақ, мұғалімдер өз мектептерін интерактивті тақта, ноутбук, принтер, зертханалық құрал-жабдықтар, тігін машиналары және сызуға арналған жинақтарымен қамтамасыз етті.
«Samruk-Kazyna Trust» әлеуметтік жобаларды дамыту қоры» «Самұрық-Қазына» АҚ компаниялар тобының атынан «Қазақстан Мұғалімі» сыйлығы мен «Barine Bilim» шағын гранттары байқауына қолдау көрсетті. Бұл мақсаттар үшін Қор 79 миллион теңгеден астам қаржы бөлді. Әрине, біз шағын гранттар конкурсын өткізуге үлкен мән береміз, өйткені шалғай немесе ауылдық жерлерде орналасқан мектептерде балалардың өзін-өзі танытуы әлдеқайда қиын, ал білім беру жағдайлары әрқашан талапқа сай бола бермейді. Мұғалімдерге өз мектебі үшін істегісі келетінін мүмкіндікті өздеріне бере отырып, біз бір жағынан мұғалімнің тілегін орындасақ, ал екінші жағынан, біз нақты мақсатқа қол жеткізіп, мектепке қажет нәрсені бере алдық», – деді ол баспасөз мәслихатында сөйлеген сөзінде Samruk Kazyna Trust бас директорының орынбасары Серғожа Қалиасқаров.
Жиналғандардың алдында сонымен қатар «Қоғамдық маңызы бар бастамаларды дамыту қоры» ЖҚ Төрағасы Ермек Мәжитов сөз сөйледі.
«Финалға енген жобалар «Қазақстан Мұғалімі» Ұлттық сыйлығының қатысушылары арасынан мұғалімдердің бастамаларын сұрап, зерделеу арқылы іріктелді. Грант қаражатына сатып алынатын құрал-жабдықтардың тізімін білім беру ұйымдарының жеке қажеттілігі үшін мұғалімдердің өздері және мектеп әкімшілігі жасайды: бұл ауыл мектептерінің бірқатар өзекті қажеттіліктерін мақсатты түрде шешуге мүмкіндік береді. Байқауға еліміздің 12 облысынан жалпы жиыны 56 мұғалім қатысты».
Баспасөз мәслихаты барысында «Азаматтық бастамаларды қолдау орталығы» КЕАҚ Басқарма Төрағасының орынбасары Абенова Баян «Қоғамдық маңызы бар бастамаларды дамыту қоры» ЖҚ жобасы шеңберінде және жобаның бас серіктесі арқылы табысты ынтымақтастық орнағанын атап өтті.
«2016 жылдан бері Азаматтық бастамаларды қолдау орталығы 300-ден астам гранттық жобаны жүзеге асырды. Биыл азаматтық бастамаларды тікелей қолдауға бағытталған және кешенді іске асыру үшін бюджеттен тыс қаражатты тарту бойынша белсенді жұмыстың нәтижесі – «Қазақстан мұғалімі» сыйлығының қатысушыларына шағын гранттар бағдарламасы болды. Мұны корпоративті сектормен ынтымақтастықтың арқасында іске асыру мүмкін болды. Келешекте басқа да гранттық жобаларды жүзеге асыру үшін бағыттарды кеңейтіп, жеке қаражатты тартуды жоспарлап отырмыз. Атап айтқанда, біз осы қорлармен ынтымақтастықты жалғастыруды көздейміз», – деп қосты «Азаматтық бастамаларды қолдау орталығы» КЕАҚ Басқарма Төрағасының орынбасары Абенова Баян.
Еске сала кетсек, «Barine Bilim» – «National Teacher Prize Kazakhstan – «Қазақстан Мұғалімі» Ұлттық сыйлығы шеңберінде қыркүйекте басталған жоба. Аталмыш сыйлық Global Teacher Prize халықаралық сыйлығы шеңберінде Әлеуметтік маңызы бар бастамаларды дамыту қорының құрылтайшысы – Әлия Назарбаевамен бастама ретінде көтерілген. Семейдегі Назарбаев Зияткерлік мектебінің физика пәні мұғалімі Асхат Жұмабеков аталған сыйлықтың нұсқасы бойынша әлемнің үздік 50 мұғалімінің қатарына кірді.