Жарияланған күні: 30.06.2022
29 маусымда «Азаматтық бастамаларды қолдау орталығы» КеАҚ және ҚР Ақпарат және қоғамдық даму министрлігінің қолдауымен «Ақпараттық-ресурстық орталық» (Алматы Азаматтық орталығы) «Азаматтық бастамалар орталығы» ҚБ-мен бірлесіп «ҮЕҰ Академиясы» жобасы аясында Қазақстанның ҮЕҰ-на арналған «Терроризмді қаржыландыруға және ақшаны жылыстатуға қарсы іс-қимылда КЕҰ-ны бағалауға арналған ФАТФ тәсілдері» тақырыбында семинар-тренинг өткізді.
Қазақстан халықаралық қоғамдастықтың жауапты мүшесі бола отырып, ақшаны жылыстатуға қарсы күрестің қаржылық шараларын әзірлеу тобының (ағыл. Financial Action Task Force – FATF ) қағидаттары мен ұсынымдарын қолдайды. Сондай-ақ, мемлекетіміз осы жылы тиісті халықаралық бағалаудан өтуді жоспарлап отыр.
ФАТФ 1989 жылы «Үлкен жетілік» елдерінің шешімі бойынша құрылды. Қазіргі уақытта ол халықаралық стандарттарды әзірлеумен және енгізумен, сондай-ақ ақшаны жылыстатумен, терроризмді қаржыландырумен және халықаралық қаржы жүйесінің тұтастығына өзге де байланысты қауіп-қатерлермен күрес жөніндегі құқықтық, реттеуші және жедел шараларды тиімді қолдануға жәрдемдесумен айналысатын негізгі халықаралық институт.
Қазақстанның КЕҰ секторы 8 ФАТФ ұсынымына сәйкестігі бағаланатын болады.
ҮЕҰ көшбасшыларының қаржылық және басқару сауаттылығын арттыруға арналған осы семинарда мемлекеттік органдардың өкілдері, «Ұлттық және халықаралық даму бастамалары институты» ҚҚ директоры Светлана Ушакова, ҚР ҚҚА шақырылған халықаралық сарапшы Андрей Боричевский (Беларусь) негізгі спикерлер болды. Ақпарат және қоғамдық даму министрлігі Азаматтық қоғам істері комитетінің басқарма басшысы Жанбота Қарашолақов алғы сөз сөйледі.
Өз таныстырылымында Андрей Боричевский ФАТФ-тың маңызы мен қызметі, КЕҰ секторы үшін КЖ/ТҚ қарсы іс-қимыл бойынша 8 ұсынымның мәні туралы айтып, басқа елдердің осы халықаралық ұйымның сараптамалық бағалауынан өткені туралы білгенімен бөлісті, сондай-ақ семинар тыңдаушыларының сұрақтарына жауап берді.
Қорытындылай келе, Светлана Ушакова мемлекеттік органдардың «үшінші сектормен» әріптестікте ФАТФ ұсынымдарын тиісті түрде қалай орындау керектігі, осы саясатты іске асыру шеңберінде КЕҰ/ҮЕҰ-ға қандай шаралар қолданылуы мүмкін, бұл елге және ҮЕҰ-ға осы бағалаудан өтуге және т. б. мүмкіндік беретіні жөнінде пікірімен бөлісті.
Семинар Алматы қаласындағы «Алматы бас жоспары» ғылыми-зерттеу институтының ғимаратында гибридтік форматта өтті.
Семинарға Қазақстанның барлық өңірлерінен үкіметтік емес ұйымдардың басшылары мен өкілдері қатысты.
Семинар-тренингтің толық видеосы Facebook әлеуметтік желісінде төмендегі сілтеме арқылы көре аласыздар: https://fb.watch/dZawuqV6IV/