Жарияланған күні: 15.06.2018
Маңғыстау облыстық азаматтық альянсы «Маңғыстау облысының үкіметтік емес ұйымдарына «бір терезе» қағидасы бойынша қолдау көрсету мақсатында азаматтық орталық құру және дамыту» жобасын бастады. Жоба аясында мемлекеттік әлеуметтік тапсырыс және ҮЕҰ дереқорына есеп тапсыру бойынша тренерлерге арналған тренинг өтеді.
Тренингке ауылдық ресурс орталықтарының басшылары және облыстық үкіметтік емес ұйымдарының өкілдері қатысады.
Оқыту барысында қатысушылар мемлекеттік әлеуметтік тапсырыс аясындағы жобаларды сапалы жүзеге асыру, ҮЕҰ Дерекқорына есеп тапсыру, сонымен қатар, мемлекеттік гранттар және премиялар, қоғамдық кеңес жұмысы және әлеуметтік мәселелерді шешуге бойынша азаматтық бастамаларды қолдауға бағытталған «Атамекен» бағдарламасы жайлы және басқа да ҮЕҰ арналған мүмкіндіктер жайлы өз білімдерін жетілдіреді.
Оқыту қорытындысы бойынша тренингті сәтті аяқтаған ресурс орталықтарының басшылары ауылдық үкіметтік емес ұйымдарға арналған тренинг өткізеді деп жоспарлануда.
Тренинг 18-19 маусым күндері, Актау қ., 3 ш.а., «Silk Way» қонақ-үйінде сағ.: 09.30-17.30 аралығында өтеді.