Жарияланған күні: 28.02.2025

2025 жылдың 27 ақпанында “Азаматтық бастамаларды қолдау орталығы” КеАҚ Халықаралық ҮЕҰ күніне арналған бірқатар білім беру шараларын өткізді. Бұл күн ҮЕҰ өкілдері мен түрлі сала мамандары арасында ашық диалог пен тәжірибе алмасу алаңы болып отыр.

Астана қаласындағы кеңседе ҮЕҰ өкілдері Орталық менеджерлерінен гранттық байқауға қатысу бойынша жеке консультация мен ұсыныстар алған “Ашық есік күні” өтті. Қонақтар әлеуметтік жобаларды жүзеге асырудың сәтті тәжірибелерімен танысты, құнды идеяларды өздеріне түртіп алды.

Сол уақытта ЦБКО-ның ресми Facebook парақшасында ҮЕҰ саласындағы жетекші сарапшылар мен практиктердің қатысуымен онлайн-стримдер өтті. Спикерлер қатарында Аида Альжанова, Жібек Ахметова, Қайыржан Абдыхалықов, Захира Бегалиева, Торғын Қайдарова және Шырын Тленчиева болды.

Онлайн-стримге ҮЕҰ өкілдері, сарапшылар, қызығушылық танытқан тұлғалар және барша ниет білдірушілер қатысты. Қатысушылар белсенді түрде сұрақтар қойып, тәжірибелерімен бөлісіп, төмендегідей өзекті тақырыптарды талқылады:

1. ҮЕҰ үшін стратегиялық жоспарлау;
2. Әлеуметтік жобалау;
3. Тиімді коммуникациялар;
4. Коммерциялық емес ұйымдардың бизнес-компанияларға арналған аутсорсингтік қызметтері;
5. Өтініштерді дайындау үшін деректерді талдау;
6. Әлеуметтік жобалардың тиімділігін бағалау және мониторинг жүргізу;
7. ЦБКО гранттық байқауларына қатысуға өтініш толтыру.

Мұндай білім беру шараларын өткізу Бірегей грант операторының ҮЕҰ-мен қатынасын нығайтуға, гранттық қаржыландыру механизміне ашықтық енгізуге және ҮЕҰ-ның қызметіне қажетті қолдау көрсетуге ықпал етеді.

Ашық диалог, консультациялар мен өзара тәжірибе алмасу ҮЕҰ-ның кәсіби деңгейін арттыруға, олардың әлеуетін нығайтуға және нәтижесінде әлеуметтік жобаларды жүзеге асырудың тиімділігін арттыруға ықпал етеді.