Қағидалардың 36, 37 және 39-тармақтарында көзделген талаптарға және «Маңғыстау облысының денсаулық сақтау басқармасы» ММ бұйрығымен бекітілген Үкіметтік емес ұйымдарға арналған мемлекеттік гранттардың 2024 жылға арналған басым бағыттарының тізбесіне сәйкестікке өтінімдерді қарау нәтижелері бойынша

ҚОРЫТЫНДЫ ТҰЖЫРЫМДАУ

2024 жылғы 26 наурызда «Азаматтық бастамаларды қолдау орталығы» КЕАҚ (бұдан әрі – Оператор) жариялаған үкіметтік емес ұйымдар (бұдан әрі – ҮЕҰ) үшін «Маңғыстау облысының денсаулық сақтау басқармасы» ММ 2024 жылға арналған қысқа мерзімді мемлекеттік гранттар беру конкурсының нәтижелері бойынша 9 ҮЕҰ-дан 14 өтінім түсті, оның 9-ы мемлекеттік тілде және 5-і орыс тілінде.

Өтінімдерді қабылдау 2024 жылғы 15 сәуірде сағат 18-30-да аяқталды.

Ағымдағы жылғы 26 сәуірде Қазақстан Республикасы Ақпарат және қоғамдық даму министрінің 2022 жылғы 26 қыркүйектегі №406 бұйрығымен бекітілген Мемлекеттік гранттарды қалыптастыру, беру, мониторингтеу және олардың тиімділігін бағалау қағидаларының (бұдан әрі – Қағидалар) талаптарына және Мемлекеттік гранттардың басым бағыттарының бекітілген тізбесіне сәйкестігіне өтінімдерді тексеру аяқталды, оның ішінде:

1) өтінім Қағидалардың талаптарына сәйкестігіне;

2) өтінім мемлекеттік гранттардың басым бағыттарының бекітілген тізбесіне сәйкестігіне;

3) өтініш берушінің жарғылық мақсатының мемлекеттік гранттың басым бағытына сәйкестігіне;

4) Заңның 6-1-бабының 4-тармағына сәйкес Үкіметтік емес ұйымдардың дерекқорында өтініш беруші туралы мәліметтердің болуына;

5) өтініш берушінің тарату процесінде болу/болмауына;

6) өтініш берушінің банкрот деп танылу/танылмауына;

7) өтініш берушінің атқарушылық іс жүргізу бойынша берешегі бар/жоқтығына;

8) өтініш беруші мемлекеттік сатып алуға жосықсыз қатысушылардың тізілімінде болу/болмауына;

9) өтініш берушінің мүлкіне тыйым салынған/салынбағанына;

10) өтініш берушінің экономикалық қызметі тоқтатылған/ тоқтатылмағанына;

11) өтініш берушінің басшылары, құрылтайшылары мемлекеттік органның және (немесе) оператордың уәкілетті адамдарының жұбайы (зайыбы), жақын туыстары, жекжаттары болып табылу/табылмауына;

12) берушінің басшылары, құрылтайшылары террористік әрекетке қатысы бар адамдардың тізіміне, сондай-ақ жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген/енгізілмегеніне тексеру жүргізілді.

Қағидалардың 40-тармағына сәйкес конкурсқа қатысуға жіберілген өтінімдер сараптамалық бағалауға жіберілетін болады.

Конкурсқа қатысуға жіберілген ҮЕҰ өтінімдерін бағалауды және грант алушыларды айқындауды сараптама комиссиясы жүзеге асырады.

Өтінімдерді қарау нәтижелері бойынша Оператор келесідей шешім қабылдады:

• мемлекеттік грант беру конкурсынақатысуғарұқсат беру туралы:

№	Заңның 5-бабының 1-тармағына сәйкес мемлекеттік грант саласы	Мемлекеттік гранттың басым бағыты	Грант түрі	Ұйым атауы
1	Мемлекеттік қызметтер көрсету сапасына қоғамдық мониторинг жүргізу	Маңғыстау облысы бойынша медициналық қызметтер сапасына қоғамдық мониторингін ұйымдастыру	қысқа мерзімді	«Қоғамдық денсаулық сақтау институты» жеке меншік мекемесі
2				«Түпқараған жастары» жастар қоғамдық бірлестігі
3				«Әсер» қоғамдық бірлестігі
4				«Саламатты Ел» қоғамдық қоры
5				«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Маңғыстау облысындағы филиалы
6	Жастар саясаты мен балалар бастамаларын қолдау	Жастар мен жасөспірімдер арасындағы ерте жүктіліктің алдын алу	қысқа мерзімді	«Қоғамдық денсаулық сақтау институты» жеке меншік мекемесі
7				«Әсер» қоғамдық бірлестігі
8				«Бәйшешек» қоры
9		Халықтың негізгі топтары арасында АИТВ инфекциясының алдын алу шаралары	қысқа мерзімді	«Қоғамдық денсаулық сақтау институты» жеке меншік мекемесі
10				«Шуағыңды шаш» қоғамдық бірлестігі
11				«Радужный мир» қоғамдық қоры
12				«Әсер» қоғамдық бірлестігі
13				«Parasat Aktau» қоғамдық бірлестігі
14				«Саламатты Ел» қоғамдық қоры

2) мемлекеттік грант беру конкурсына қатысудан бас тартылғандар жоқ.