Жарияланған күні: 02.03.2022
Қоғамдық ұйым өкілдері бұқаралық спорттың көмегімен қазақстандықтардың денсаулығын нығайтып, физикалық дамуын жақсартуға болатынына сенімді.
Бұл мақсатта гранттық қаржыландыру аясында және ҚР Ақпарат және қоғамдық даму министрлігінің қолдауымен «Fitness park KZ» жобасы іске асырылған болатын.
Жобаны іске асыру барысында бұқаралық спортты дамытудың әдістемесі мен бағдарламасы әзірленді.
«Жобаның мақсаты – бұқаралық спорт пен дене шынықтыруды дәріптеу. Біз әрбір қазақстандыққа көмектесетін жаттығулар негізінде қатысу мәдениетін енгізу міндетін қойдық. Әдістеме ғылыми құрамдас бөлікке, спорттық бағдарламаларға және қазақ дәстүрлері мен мәдениетінің элементтеріне негізделген. Әдістемеге ұлттық спорт түрлерінің, ойындардың элементтерін енгізіп, қазақстандық орындаушылардың музыкалық тректерімен сабақтарды ресімдедік», – деді жоба жетекшісі, «Ұлттық Дельфийлік Комитеті» КҚ директоры Құралай Түспекова.
Сондай-ақ, ұйымдастырушылар дене шынықтыру мұғалімдері мен жаттықтырушыларынан үздік жаттығулар кешеніне конкурс өткізді.
Спортпен шұғылдану үшін интернетте және Ұлттық Дельфий комитетінің ресми аккаунттарында және жоба серіктестерінің аккаунттарында қол жетімді 10 бейне шеберлік сабақтары ұсынылған.
«Бейне жаттығулардың арқасында қатысушылар жаттығулар жиынтығын игере алады, сонымен қатар спортпен айналысуға жақсы мотивация алады. Біздің бағдарламамыздың негізінде кез – келген адам, тіпті спорттық білімі болмаса да, жаттығулар жиынтығын жасап, жаттығуды бастай алады», – дейді Құралай Түспекова.
Бұдан бөлек жоба шеңберінде «Fitness Park KZ» жаппай сергітулер мен жаттығулар өткізілді.
«Бұқаралық спорт кез келген адамға қажет. Әсіресе қазір, біз бәріміз отырықшы өмір салтын ұстанамыз және гаджеттерде отырамыз. Бұқаралық спортқа балалар мен жастарды да белсенді тарту керек. Сонда ол жалпы дене шынықтырудың бір бөлігіне айналады», – деп түйіндеді Құралай Түспекова.