Жарияланған күні: 30.04.2021

---

Құрметті БАҚ және ҮЕҰ өкілдері!
Нұр-сұлтан қаласындағы АҚШ Елшілігінің қоғаммен байланыс бөлімі бұқаралық ақпарат құралдарын дамытуға арналған шағын гранттар бағдарламасы шеңберінде өтінімдерді қабылдау туралы хабарлайды.
10 000-нан 40 000 АҚШ долларына дейінгі гранттарға өтінімдерді келесі тақырыптар бойынша беруге болады:
1. Жаңалықтарды жинау немесе таратудағы инновациялық тәсілдер, атап айтқанда, жас тұрғындар арасында;
2. Кәсіби журналистика стандарттарын ілгерілету, атап айтқанда, фактілерді тексеру, ақпараттың шынайылығын тексеру және нақты фактімен жариялау;
3. БАҚ-ты әртүрлі бизнес-модельдерге және өз аудиториясын өсіру әдістеріне оқыту арқылы табыстың баламалы көздерін қоса алғанда, Қазақстандағы БАҚ-тың қаржылық тұрақтылығын қолдау;

4. Жоғары сапалы есеп беру, этикалық және объективті журналистика және т. б. бағыттар бойынша өзара алмасуды немесе кәсіпқойлар желісін дамытуды қолдау.;
5. Қазақстандағы медиаконтентті тұтыну, дезинформация/мисинформация үрдістеріне және басқа да жаңсақ пікірлерге талдау жасау.
Барлық тақырыптар бойынша нақты және өлшенетін нәтижелер беретін жобаларға басымдық берілетін болады.
Байқаудың мақсаты: журналистердің кәсібилігін арттыру және Қазақстандағы жалған жаңалықтардың теріс әсерін азайту арқылы отандық бұқаралық ақпарат құралдарын нығайту.
Конкурс шарттары: Жеке тұлғалар мен Қазақстанда тіркелген келесі ұйымдар қатысуға құқылы: коммерциялық емес ұйымдар; коммерциялық ұйымдар; азаматтық қоғам өкілдері/үкіметтік емес ұйымдар; талдау орталықтары.
Өтінімді берудің соңғы мерзімі: 2021 жылғы 20 мамыр сағат 18:0-не дейін. (Нұр-сұлтан қ. уақыты бойынша)
Толық ақпаратты келесі сілтемеден табуға болады:

https://kz.usembassy.gov/kk/small-grants-for-media-development-kk/