БҰҰ-ның Есірткі және қылмыс жөніндегі басқармасы (БҰҰ ЕҚБ) азаматтық қоғам ұйымдарына, атап айтқанда есірткі қолданатын адамдар (ЕҚА) мен түрмелерде отырған адамдар арасында АҚТҚ-ға байланысты алдын алу, емдеу, күтім жасау және қолдау саласында жұмыс істейтін қоғамдастықтар негізіндегі ұйымдарға олардың қажеттіліктеріне сәйкес келетін АҚТҚ қызметтерінің сапасын қамтамасыз ету үшін қаржылық қолдау көрсету үшін гранттық бағдарламаны ұсынады.

 

20 000 АҚШ долларын қамтитын гранттарға өтінімдерді төменде көрсетілген үш санат бойынша беруге болады:

 

• Түрмеде отырған адамдар үшін АҚТҚ саласындағы нақты деректерге негізделген және гендерлік бағдарланған қызметтерді әзірлеу және енгізу.
• Есірткілерді пайдаланатын және АҚТҚ жұқтырған адамдарға арналған қызметтер мен бағдарламаларды әзірлеу және енгізу.
• Есірткі қолданатын адамдар мен түрмеде отырған адамдар үшін АҚТҚ-ға байланысты алдын алу және күтім қызметтеріне қол жеткізуді жеңілдету үшін құқық қорғау органдарымен және денсаулық сақтау секторымен тұрақты серіктестік қатынастарды дамыту.

Конкурстың мақсаты: инфекциялық есірткілерді қолданатын адамдар мен түрмеде отырған адамдар арасында АҚТҚ-ға байланысты алдын алу, емдеу, күту және қолдау жөніндегі азаматтық қоғам ұйымдарының, атап айтқанда қоғамдастық деңгейіндегі ұйымдардың әлеуетін нығайту.

Конкурстың шарттары: грант алу құқығына ие болу үшін өтініш берушілер:

• тіркелген елдің тиісті заңдарына сәйкес тіркелген коммерциялық емес ұйым болуы;
• кемінде 2 (екі) жыл тіркеуде болуы тиіс;
• жобаны дайындау және басқару үшін тікелей жауапты болу, яғни делдал ретінде әрекет етпеу;
• ЕҚБ немесе қамаудағылар арасында АҚТҚ-ға байланысты алдын алу, емдеу, күту және қолдау саласындағы іс-шараларды іске асырудың кемінде екі (2) жыл бұрынғы тәжірибесін көрсету;
• банк шоты болуы;
• БҰҰ ЕҚБ құндылықтары мен этикасына сәйкес келу.

Өтінім берудің соңғы мерзімі: 2020 жылғы 31 тамыз, жергілікті уақыт бойынша 16:00

Толық ақпаратты мына сілтеме бойынша табуға болады: https://www.unodc.org/unodc/en/hiv-aids/new/hiv-grants-for-civil-society-organizations.html

Өтініштер unodc-aids@un.org электрондық поштаға “CSOs 2020 үшін HIV гранттары”деген белгімен хат тақырыбында жазып көрсету арқылы жіберілуі тиіс. Бір ұйымнан әртүрлі санаттағы өтінімдер жеке хаттармен жіберілуі керек. Сұрақ қою немесе қосымша ақпарат алу қажет болса, осы электрондық пошта мекенжайын пайдалануыңызға болады.