Жарияланған күні: 19.06.2024
Қазақстанда Birgemiz жалпыұлттық жобасы аясында волонтерлік бастамаларды жүзеге асыру үшін шағын гранттар байқауының жеңімпаздары анықталды. Мемлекет байқау аясында жалпы сомасы 72 миллион теңгені құрайтын 240 шағын грантын бөлді, олардың әрқайсысы 300 мың теңге.
Birgemiz жобасы Қазақстандағы волонтерлік қозғалысты қолдауға бағытталған маңызды бастама болып табылады. Соңғы үш жылдың ішінде жергілікті жерлерде көптеген маңызды іс-шараларды жүзеге асыруға ықпал еткен жоба өзінің тиімділігін дәлелдеді.
Мысалы, Ақтөбе облысының тұрғыны Наталья Дементиевская «Бірге инсультке қарсы» жобасын жүзеге асыратын болады. Ол грант қаражатын стационардан шығарылған науқастарды қалпына келтіру іс-шараларын жүргізуге бағыттайды. Сондай-ақ, бас қан айналымының жедел бұзылуынан зардап шеккен науқастардың туыстарына оқыту жүргізеді.
«Бірге инсультке қарсы» жобасымен қатар басқа да бастамалар қолдау тапты, мысалы:
* Ақтөбе облысы: Гүлнар Қабиева, ауылдық жерлерде мүгедек балаларды қаржылық сауаттылыққа оқыту жобасын ұйымдастырады.
* Павлодар облысы: Серікболсын Қинаятов, Баянауыл ауданының табиғи ескерткіштерін сақтау жобасы.
* Шығыс Қазақстан облысы: «Ғажайыптар елі» оңалту-дамыту орталығы» ҚБ, «Көмек қолын соз, достық қолын соз!» жобасы аясында бірлескен инклюзивті іс-шараларды ұйымдастыру арқылы еріктілерді өмірлік қиын жағдайға тап болған балалар мен жастарды әлеуметтік бейімдеуге жәрдемдесуге бағытталған тәлімгерлікке тарту.
Яғни, еріктілер Қазақстанның барлық өңірлерінде Birgemiz жобасының түрлі бағыттары бойынша 200-ден астам іс-шараны өткізеді.
Еске салсақ, Қазақстан Республикасы Мәдениет және ақпарат министрлігінің бастамасымен және Азаматтық бастамаларды қолдау орталығының қолдауымен жүзеге асырылатын Birgemiz жобасы азаматтарды жергілікті мәселелерді шешуге белсенді тартуға бағытталған.
Биылғы жылы Birgemiz жобаларын жүзеге асыратын 8 үкіметтік емес ұйым байқауға қатысушылардан 1 мыңнан астам өтінім қабылдады.