Жарияланған күні: 05.08.2022
Тренингтер отбасылық құндылықтарды нығайтуға бағытталған әлеуметтік жоба аясында өткізіледі, деп хабарлайды Азаматтық бастамаларды қолдау орталығының баспасөз қызметі.
«Замандас 21» ҚҚ-ның көп жылдық тәжірибесі жастар арасында отбасының берік құндылықтарын қалыптастыруға бағытталған қордың жаңа жобасы аясындағы жұмыстың негіз болды.
Білікті психологтар мен медиаторлардың қатыусымен өтетін оқыту Нұр-Сұлтан қаласының білім беру мекемелерінің мамандары мен судьялары үшін ұйымдастырылды. Қыркүйек айында қазақстандық жоғары оқу орындарының 5 мың жоғары курс оқушыларына арналған тренингтер өтеді.
«Жоба отбасымен жұмыс істейтін мамандарды (психологтар, педагогтар, судьялар және т.б.) өзара іс-қимыл алгоритмі және отбасылық қатынастардағы қақтығыстарды шешудің сындарлы тәсілі ретінде дайындауды көздейді. Оқыту барысында біздің мамандар жанжалдар жиі орын алатын отбасылармен қалай жұмыс істеу керектігін, отбасылық өмірдің ажырамас бөлігі болып табылатын даулы мәселені шешу үшін не істеу керектігін түсіндіреді. Біз қақтығыс туындаған жағдайда оны реттеудің жолдарын түсіндіреміз. Оқыту тәжірибелі мамандар үшін де, отбасын құруды жоспарлап жатқан немесе отау құрған жоғары курс студенттері үшін де қызықты және пайдалы болады деп үміттенеміз», – дейді психолог әрі жоба үйлестірушісі Варвара Марховец.
Психологтың пікірінше, отбасының бұзылуына көбіне отбасылық құндылықтардың сәйкес келмеуі себеп болады.
«Некенің бұзылуына әкеп соқтыратын себеп көп. Олардың бірі – отбасылық құндылықтардағы сәйкессіздіктер. Мысалы, жұбайлардың бірі көп балалы отбасы құруды армандаса, екіншісі білім алуды мақсат етеді. Өзара түсіністіктің болмауы отбасындағы жанжалдарға әкеледі», – деп атап өтті Варвара Марховец.
Үйлестіруші жоба аясында жоғары білікті психолог – мамандардың тегін кеңес беретіндігін атап өтті.
Жоба аясында балалар мен ата-аналардың қатысуымен сондай-ақ, конкурстар, спорттық жарыстар сияқты басқа да іс-шаралар өткізіледі. Сонымен қатар, психологтар дәстүрлі отбасылық құндылықтар, тұрмыстық зорлық-зомбылықтың алдын алу, репродуктивті денсаулық мәселелері бойынша дәрістер мен бейне-сабақтарды дайындады. Олардың барлығын YouTube арнасында мына сілтеме бойынша тамашалауға болады: https://www.youtube.com/watch?v=vAAfwO-_WAI.