Жарияланған күні: 28.04.2021
Қазақстанда өңірлік ҮЕҰ үшін қоғамдық бақылау жүйесін дамыту бойынша шағын гранттар байқауы басталды», – деп хабарлады Азаматтық бастамаларды қолдау орталығының баспасөз қызметі.
“Қоғамдық бақылау жүйесін дамытуға бағытталған іс-шаралар кешенін ұйымдастыру” жобасын іске асыру жөніндегі баспасөз-конференциясы барысында Қазақстанның Азаматтық альянсының директоры Әлібек Тәжібаев айтуынша 60 үздік жоба 500 мың теңгеден алады.
Спикердің сөзіне сәйкес, 2021 жылдың 21 мамырына дейін жалғасатын байқау туралы толық ақпарат Қазақстанның Азаматтық Альянсының әлеуметтік желілерінде жарияланған шағын гранттар байқауы туралы ережеде баяндалған.
Сонымен қатар, баспасөз конференциясына ҚР Ақпарат және қоғамдық даму министрлігі Азаматтық қоғам істері комитетінің төрағасы – Мадияр Қожахмет, Азаматтық бастамаларды қолдау орталығының басқарма төрағасы – Лима Диас және Қазақстанның Азаматтық альянсының президенті – Бану Нұрғазиева қатысты.
Мадияр Қожахмет өзінің құттықтау сөзінде, азаматтық қоғам институттарының қалыптасуы қоғамдық бақылау институтының кеңеюімен қатар жүретінін атап өтті: “Мемлекеттік органдардың бақылау қызметін ауыстырмай және алмастырмай, қоғамдық бақылау оларға мемлекеттік саясатты іске асыруда баға жетпес көмек пен қолдау көрсетуге қабілетті. Мемлекеттік биліктің тұрақты және теңгерімді жұмыс істеуі үшін, қоғам мемлекеттік билік органдарының қызметін тәуелсіз бақылаудың заманауи және тиімді институттарына ие болуы керек”, – деді төраға.
Лима Диас қоғамдық бақылау сияқты халық үшін маңызды әлеуметтік тақырыптарда жобаларды қоғамның қолдауынсыз іске асыру мүмкін еместігін айтты: “Қазақстанның Азаматтық Альянсы – үлкен қоғамдық ұйым, және көп жылдық тәжірибесіне сәйкес осындай ауқымды жобаларды қолдауға және олардың іске асырылуын тиімді бақылауды қамтамасыз етуге қабілетті”. Сонымен қатар, Лима Диас халықты қоғамдық бақылау жұмысына белсенді тартуды қамтамасыз ету қажеттігін атап өтті.
Бану Нұрғазиева заң жобасы бойынша жұмыс тобының мүшесі ретінде ҚР Ақпарат және қоғамдық даму министрлігі азаматтық сектор өкілдерін қатыстыра отырып, түрлі алаңдарда заң жобасын әзірлеу тәсілдерін талқылап жатқанын жеткізді. Сондай-ақ, заң жобасының міндетіне бірыңғай ұғымдық аппаратты қалыптастыру, қоғамдық бақылауды жүзеге асыру қағидаттарының бірыңғай жүйесін белгілеу, қоғамдық бақылау субъектілері мен объектілерінің функциясын, өкілеттіктері мен жауапкершілігін айқындау кіретінін атап өтті.
Айта кету керек, бұл жоба Азаматтық бастамаларды қолдау Орталығының қолдауымен жүзеге асырылуда.