Бүгін, 16 маусымда Азаматтық бастамаларды қолдау орталығы алаңында Қазақстан Республикасы Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет тікелей эфирде ҮЕҰ-ға арналған мемлекеттік гранттар беру жөніндегі кезекті конкурс туралы айтып берді.

2021 жылдың шілде-қараша айларына үкіметтік емес ұйымдарға гранттар беру жоспарында Азаматтық қоғам істері комитетінде 9 жоба қарастырылған. Олар үкіметтік емес ұйымдардың ұсыныстары мен мемлекеттік саясаттың басым бағыттарынан тұрады, – деп атап өтті Мадияр Қожахмет.

Мадияр Қожахмет еріктілер қозғалысының “Birgemiz: Saulyq”, “Birgemiz: Asyl Mura”, “Birgemiz: Sabaqtastyq”, “Birgemiz: Ömit”, “Birgemiz: Taza Alem”, “Birgemiz: Qamqor” тақырыптарындағы алты негізгі бағыты бойынша жұмыстар биыл да жалғасатынын айтты.