Біріншіден, мемлекеттік әлеуметтік тапсырысқа қарағанда гранттық қаржыландырудағы ұйымдарды таңдау кезінде ең аз құн (баға демпингі) бойынша айқындау критерийі қолданылмайды. Осылайша, грант алушыларды іріктеу кезіндегі негізгі критерий-бұл жобаның мәнін ашатын ҮЕҰ-ның техникалық ұсынысы.

Екіншіден, гранттық қаржыландыру ҮЕҰ-ға грант сомасының 10%-ын ұйымды материалдық-техникалық қамтамасыз етуге пайдалануға мүмкіндік береді.

Үшіншіден, гранттар бюджеттік, сондай-ақ бюджеттен тыс көздерден қаржыландырылуы мүмкін (гранттар бюджет қаражаты есебінен берілетін мемлекеттік және ерікті негізде жеке және заңды тұлғалар, халықаралық, шетелдік ұйымдар бюджеттен тыс көздерден ұсынатын мемлекеттік емес гранттар болып табылады).