Жарияланған күні: 20.11.2023
Азаматтық бастамаларды қолдау орталығының Басқарма төрағасы Лима Диас жұмыс сапарымен Батыс Қазақстан облысына барды. Іссапар барысында өңірдегі үкіметтік емес ұйымдардың басшыларымен, өкілдерімен кездесу ұйымдастырылды.
Кеңес кезінде қолданыстағы ҮЕҰ-ға гранттарды ұсынудың тетігінің артықшылықтары мен кемшіліктері талқыланды.
Сондай-ақ, кездесуге қатысушылар орталықтың, жалпы гранттық қаржыландыру жүйесінің жұмысын жақсартуға қатысты ұсыныстарын айтты.
Лима Диас кездесуге қатысушыларды қызықтырған барлық сұрақтарға жауап берді.
Іс-шара соңында Орталықтың әлеуетті грант алушылары үшін гранттарды ұсыну жөніндегі конкурстарға өтінімдер беруге қатысты консультациялық көмек көрсетілді, оқыту семинарлары өткізілді.