Жарияланған күні: 20.09.2021
Ауыл мектептеріндегі ағылшын тілі мұғалімдері біліктілігін арттыру курсына барады
20 қыркүйектен бастап Қазақстанда «Қайырымды істер марафоны» жалпыұлттық жобасы шеңберінде жүзеге асырылған, ауыл мектептеріндегі ағылшын тілі мұғалімдерінің біліктілігін арттыру бойынша «English Ауылда» бағдарламасы басталды. Бағдарлама біліктілікті арттыру курсымен жұмыс бастап, ағылшын тілін оқытудың инновациялық әдісін тапсыратын «Terenoi» онлайн-мектебімен бірге «Jana Dunie» жеке қайырымдылық қорының есебімен қаржыландырылады.
«English Ауылда» жобасына ауыл мектептеріндегі ағылшын тілінің 15 мұғалімі қатысады. Олар 2021-2022 оқу жылы бойы біліктілігін арттыру курсынан өтеді. Оқу басталмай тұрып қатысушылардың бәрі тіл білу деңгейін анықтау тестінен өтіп, одан кейін бір ай бойы Zoom платформасы арқылы онлайн-мектептің тренерімен жекелей тәртіпте оқытылады. Осыдан кейін мұғалімдердің барлығы секілді оқыту деңгейінің қажетті келесі блогына келіп, топтық оқыту басталады.
Жобаның екінші айы ағылшын тілін оқыту әдістемесін дамытуға және онлай-мектептің табысты тренерлерінің тәжірибелерін тапсыруға бағытталған. Сонымен бірге қарашадан бастап келесі жылдың мамыры аралығында осы мектептерде ұйымдастырушылар speaking club ашып, ағылшын тілін оқу бойынша әртүрлі іс-шараларды өткізеді. Бағдарлама аяқталғаннан кейін мұғалімдер мен олардың оқушылары үшін IELTS әдістемесі бойынша тестілеу өтеді. Сондай-ақ оқушылары тестілеуден ең жақсы нәтиже көрсеткен өнімді мұғалімдер марапатталады.
Еске сала кетейік, «Қайырымды істер марафоны» жалпыұлттық жобасы Қазақстан Тәуелсіздігінің 30 жылдығын мерекелеу шеңберінде Мемлекет басшысы Қасым-Жомарт Тоқаевтың бастамасы бойынша осы жылдың ақпан айында басталған. Жоба Азаматтық бастамаларды қолдау орталығы мен Ақпарат және қоғамдық даму министрлігінің қолдауымен жүзеге асырылуда. Марафонға ниет білдірген кез келген азамат қатыса алады. Ол үшін өзінің жақсы істерін әлеуметтік желілерде #ҚАЙЫРЫМДЫІСТЕРМАРАФОНЫ #МАРАФОНДОБРЫХДЕЛ ресми хештегімен жариялауы керек.
Анықтама үшін:
Jana Dunie қайырымдылық қорының іргесі 2020 жылы қаланған. Оның жұмысы балалардың сапалы білімге қолжетімділігін дамытуға бағытталған. Сондай жобалардың бірі – «Оқылық» акциясы. Оның шеңберінде Алматы және Жамбыл облыстарының ауылдарының мектепке дейінгі 1000 баласына аналитикалық, креативті және кеңістік деңгейінде ойлауын дамытуға арналған құрылғылар тарту етілді. Білім беру бағытындағы жобалардан бөлек, қор экологиялық қозғалыстарға белсенді түрде қатысады. Толығырақ ақпаратты janadunie.kz сайтынан және @janadunie_fond инстаграм парақшасынан оқуға болады.