Қаріп көлемі: A A A
Сайттың түсі: A A
Қаріп түрі:
Сайттың бұрынғы нұсқасына өту
Сенім
телефондары
+7 (775) 511-07-41 +7 7172 22 13 23

Қазақстанда қараусыз жануарларды қолдауға арналған жоба басталды

Қазақстанда жануарларға жауапкершілікпен қарауды қалыптастыруға бағытталған «Birgemiz: Ayala» жобасы басталды, деп хабарлайды ҚазАқпарат тілшісі.

Жобаның мақсаты жануарларға жауапкершілікпен қарауды қалыптастыруға бағытталған волонтерлік бастамалар мен жобаларды дамыту. Бірқатар іс-шараларды іске асыру жануарларға жауапты иелік етуді және оларға ізгілікті қарауды қалыптастыруды қамтамасыз етуге мүмкіндік береді. «Қазақстан Еріктілер лигасы» ҚҚ жоба менеджері Альфия Хайбулинаның айтуынша, күн сайын иесіз жануарлар саны көбейіп келеді. «Ірі мегаполистерде олардың саны мыңға жетуі мүмкін. Олардың біреуі үйсіз дүниеге келді, біреуі жоғалды, ал біреуі «жақсы қожайындар» қуып шықты. Көптеген қалаларда үйсіз жануарларға арналған баспаналар бар, бірақ олар өте аз, сонымен қатар жем, дәрі-дәрмектер, қаржылық және ақпараттық қолдау қажет. Оларға қаражат қана емес, сонымен бірге баспаналар мен үйсіз жануарларға көмектесуге дайын адамдар, еріктілер керек,- дейді ол. Жоба аясында Нұр-Сұлтан қаласының аумағында үйсіз және жоғалған жануарларға арналған қызметтің жұмысын ұйымдастыру, волонтерлерді жануарларға күтім жасауға және уақтылы көмек көрсетуге үйрету, ветеринарияға, кинологияға, зоопсихологияға оқыту, жануарлардың баспаналарына көмек көрсету, зооволонтерлықты дамыту және танымал ету, сондай-ақ үздік практикалар жинағын қалыптастыру жоспарлануда жануарлардың баспаналарына көмек көрсету және үздік тәжірибелер жинағын қалыптастыру жоспарлануда. Сонымен қатар, шағын гранттар байқауы өткізіледі, онда әрқайсысы 500 мың теңгеден 5 грант ойнатылады. Бұл волонтерлік қызметті ынталандыруға және азаматтық бастамаларды қолдауға өз септігін тигізбек. «Birgemiz: Ayala» жобасын іске асыру барысында жануарларға жауапкершілікпен қарауды қалыптастыру бойынша ұсыныстар қабылданады. Жоба қорытындысы бойынша ел тұрғындарының барлық өтініштері мен тілектерін ескере отырып, халықтың жануарларға деген жауапкершілігін қалыптастыру бойынша ұсынымдар әзірленіп, уәкілетті органдарға жіберілетін болады. Жануарларға жауапкершілікпен қарауды қалыптастыруға бағытталған «Birgemiz: Ayala» жобасы ҚР Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КЕАҚ мемлекеттік гранты шеңберінде іске асырылады.

Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/kazakstanda-karausyz-zhanuarlardy-koldauga-arnalgan-zhoba-bastaldy_a3767964