Қаріп көлемі: A A A
Сайттың түсі: A A
Қаріп түрі:
Сайттың бұрынғы нұсқасына өту

Жергілікті бастамалар канадалық қорының (CFLI) бағдарламасына өтінім қабылдау басталды

Канаданың Қазақстандағы, Қырғызстандағы және Тәжікстандағы Eлшілігі Жергілікті бастамалар канадалық қорының (CFLI) бағдарламасына өтінім қабылдау басталғанын хабарлайды.

CFLI бағдарламасы тақырыптық басым бағыттарға сәйкес келетін дамушы елдердегі шағын, тиімділігі жоғары жобаларды қолдауға арналған. Бағдарлама жергілікті серіктестермен ойластырылған және әзірленген жобаларға қолдау көрсетуге бағытталған. Сондай-ақ, CFLI бағдарламасы жергілікті бастамаларды тереңдету және қолдау арқылы Канада мен Қазақстан арасындағы екіжақты қарым-қатынасты және екі елдің азаматтық қоғамындағы байланыстарды нығайтуды көздейді.

CFLI бағдарламасының тақырыптық басым бағыттары:

  • Гендерлік теңдік және әйелдер мен қыздардың құқықтары мен мүмкіндіктерін кеңейту;
  • Инклюзивтік басқару, оның ішінде сан алуандығы, адам құқығы және заңның үстемдігі;
  • Бейбітшілік пен қауіпсіздік, бейбітшілікті нығайтуға назар аудара отырып, жанжалдарды болдырмау;
  • Денсаулықты, білім мен тамақтануды қамтитын адамның қадір-қасиеті;
  • Әйелдердің экономикалық құқықтарын жақсарту, лайықты жұмыспен қамтуға және кәсіпкерлікті дамытуға, кедей және халықтың неғұрлым осал топтарына инвестиция құю және экономикалық пайданы қамтамасыз етудің барлығын қамту арқылыжұмыс істейтін экономикалық өсуді қамтамасыз ету;
  • Қоршаған орта және климаттың өзгеруі, оның салдарын бейімдеу және жұмсарту, сондай-ақ су ресурстарын басқару.

Гранттың орташа мөлшері 10 000 – нан 25 000-ға дейін канадалық долларды құрайды. (100 000 Канада доллары-бұл CFLI критерийлеріне жауап беретін жоба үшін бөлінген максималды сома).

Конкурстың мақсаты: CFLI жергілікті қауымдастықтарға қолдау көрсетуде жергілікті азаматтық қоғам ұйымдарына өз әлеуетін жүзеге асыруларына қолдау көрсету болып табылады.

Конкурстың шарттары:

  • Барлық жобалар кемінде тақырыптық басым бағыттардың біріне сәйкес келуі тиіс.
  • CFLI жобасына өтінім гендерлік талдауды (GBA) қосуды талап етеді. Өтінімде GBA талдауының болмауы Сіздің ұсынысыңызды қарауға кері әсер етуі мүмкін. GBA талдауы өтінім берушілерден төмендегі талаптарды орындауды қажет етеді:
  • Жоба қатысушыларға зиян келтірмеуі үшін, Сздің жобаңыз шешуге бағытталған проблеманы әйелдер/қыздар, ерлер/ұлдар қалай талдайтыны назарға алуды;
  • Жобалық ұсынысты әзірлеу кезінде әйелдермен және / немесе қыздармен кеңесуді;
  • Жобаны әзірлеуде кеңес өткізілген әйелдердің және / немесе қыздардың пікірлерін жоба дизайнында көрсетілуін қамтамасыз етуді.

Ұсыныс келесі ұйымдар үшін ашық:

  • Жергілікті, ұлттық немесе қоғамдық ұйымдар (үкіметтік емес және коммерциялық емес);
  • Жергілікті муниципалдық, өңірлік немесе ұлттық мемлекеттік мекеме немесе грант алушы елдің агенттігі;
  • Жергілікті академиялық мекеме;
  • Жергілікті даму мәселелерімен айналысатын канадалық ұйым (үкіметтік емес немесе коммерциялық емес);
  • Жергілікті даму мәселелерімен айналысатын халықаралық немесе өңірлік ұйым (үкіметтік емес немесе коммерциялық емес);
  • Жергілікті даму жөніндегі қызметпен айналысатын үкіметаралық немесе көпжақты мекеме, ұйым немесе агенттік.

Өтінім берудің соңғы мерзімі: 2020 жылдың 16 маусымы

Толық ақпаратты мына сілтеме бойынша табуға болады: https://www.international.gc.ca/world-monde/funding-financement/cfli-fcil/2020/kazakhstan.aspx?lang=eng